BE.185 Logu no.85
HOLAN SADA DEBATANTA

Ayat 1
Holan sada Debatanta Na tumompa sasude
Na tarida di matanta Nang na so tarida pe
Tanda ma ruhutna i Unang lilu rohami

Ayat 2
Ndang marmula Debatanta Nang ujungna pe ndang ro
Ndang tarida di matanta Ai rupana tondi do
Holan mata ni roham Tau mananda Debatam

Ayat 3
Diingani Debatanta Parluhutan i sude
Diingani nang rohanta Digomgomi sasude
Nang hagogoonna i Ndang marhatudosan i.

Ayat 4
Na bonar do Debatanta Jala na badia pe
Na sun pistar Debatanta Pangoluhon sasude
Pos ni roha situtu Debatanta na burju.

Ayat 5
Sai na sintong do hataNa Na tinonahonna i
Atik pe asi rohaNa Ndang paubaonNa i
Sai oloi ma i sude Asa sonang ho muse.
